26 - بابا آکھے ویکھ بھائی مردانیا

بابا آکھے ویکھ بھائی مردانیا

لگن لگی ہُن سچی شبد ٹکسال

ٹکسالاں وِچ اگے گھڑیندے آئے سِکّے

ٹکے اشرفیاں،

کرت ہَلاں بَلداں دی

چرخیاں کھڈِیاں دی

تھناں چاٹِیاں سِلاں دِلاں دی

پوٹیاں اَڈِیاں دی

ٹھگ ہیڑ کے بھورے بھنڈارے اشرافاں نے دھرنی

گِن مِتھ مِن سہیڑ کے شاہاں آڑھت منڈی کھڑنی

سونا رُپا تول نشانی

مُہر مِلکھ دی جڑنی

نام خدا دِیاں لے کے لاواں

رنگ رنگ متھے قلعے محّلے طبل طبیلے بھرنے

بابا آکھے ویکھ بھائی مردانیا

لگن لگی ہُن سچی شبد ٹکسال

شبد شرم1 ہے

دھرم گھال ہے گیان کرم ہے

ہُن گھاڑ خلق دی تن من وِچ رچنی او

نہیں رہنیاں ہُن کوئی شاہیاں

شرم نوں وکھّر2 کرن جو

نہ مُلوانیاں نہ پنڈتائیاں

شبد نوں اکّھر کرن جو

شبد ٹُکر ہے گھر وستر ہے

ٹوہ رباب مردانے گنویا

بُجھی جُگاں دی ہُن مچنی او بابا