ہتھ آہندے نیں اِک دِن
چاون دھرن سکھنیرن بھرن
آہر اساڈا ہویا
پر کیہدی پیا کردا اے کار
کیہڑے لیکھے لگدی اے پئی چائی دھری
سکھنیری بھری
گوہ اساں کدے نہ کیتا،
جاتا دم دم پئے وڈیرے ہونے آں
بھارے لمیرے،
اِک دِن کِیڑی چڑھدی اپر اپنے تکی
چھنڈ پرے سٹی،
ہَیں، پر ایہہ کیہ،
ہتھ تے ایہدے وی نیں
اوہا، پیر نیں جیہڑے،
اصلوں نِکیرے،
سہجے ای چا پئے کھڑدے نیں
رِزم رِزق وِچ بَھون
ہولے پلو پل ہوئی وَیندے نیں،
چھڈ آہر اساں بہہ گئے آں
کیہ دس گئی ایں
گئی تے نہیں
کر بَھون اسانوں اندر ساڈے لہہ گئی ایں