فرید بھنڈار

''کیہ اے ساڈے کول جیہڑا کِسے کھس لینا اے''

''ہے اپنا آپ وی کول کہ کوئی نہ''

''اسیں مِل وِچ کم تے نہیں پئے کردے

نہ پئے ہل واہونے آں

جے گھال اساڈی مال بنا کِسے لینی اے،''

''بنا لئی جیہناں دی

اوہ وی جی نہیں ساڈے تُہاڈے ورگے؟''

''ہے تے نیں

جیہڑے مال بنا کے کھا گئے جی تے اوہ وی نیں''

''اپنا ای آپا اے

اوہ کھس اپنے کولوں جیہڑا پئے کھاندے نیں''

''پتہ نہیں ایہہ اوہناں نُوں لگدا؟''

''آپنا آپا کول ہووے تاں پتہ لواوے''

''اوہناں دا اوہناں کول نہ ہویا ساڈا ساڈے کول نہیں،

کیہ کرئیے ہُن؟''

''رل اوہ کرئیے

جیہڑا

کُھسیا اپنا آپ ہر نُوں سگواں کر پرتاوے''