''جھاڑن ہے ہَولا ہوون
جوڑن ہوڑن بھارا''
''ایہا ای کار وپارا ہویا
ایہا ای آہر ویہارا''
''ہَول بھار نوں پکا کر کر چلدے آئے دفتر
ایہدی بھال سنبھال لئی پُلساں فوجاں باہر اندر
ہول بھار پئے تول عدالتی کرن نیاوں نتارا''
''ایہہ گلاں تے سُندیاں ای آئیاں ہاں''
''نہ کرئیے وت؟
کیہ کرئیے؟''
''اُٹھیئے سویرے مِلے فجر دی بانگ
نال ای آ جائے نواں بیان اخبارا''
''چلو نا کرئیے اساں وی، ہَول بھار دا ای کارا
جھاڑِئیے اندر فجرے شامیں''
''جو جُڑے
تِھیوے ہر سنگ سانجھ وسِیلہ''
''ہوئیے واء ہولِیاں
رلیئے ہر جا''
''پانی بھارِیاں ہو نوانِیں وگیئے''