اوہ نچ پُھل تے بہندی میں نپ لئی
کِتابے دھرن لگاں
تکناں پوٹے لِبڑے
اوہ چُھٹ لہہ پُھل تے بولی
اساں تِتراں دِیاں بھرجائیاں نہیں
ناں چِت چاڑھ رجسٹر چَوڑا ہویا پیائیں
نپ سانوں اندر دھرنا کتیبوں تُدھ پڑھیائے؟
چَٹ پوٹے
تینڈا لِبڑ اساں کیہ کرنا
رنگ تے پُھل دی کار ہے اساں تے بے رنگ ہاں
پُھل نار ہے پُھل ہی نر ہے
نال اوہدے نر نار ہو پُھل پَھل کرنیاں ہاں
پراں تے رنگ لوا سمندر ترنیاں ہاں
رنگ اساڈا پُھلاں دے بھوگ دا سنگ ای
اوہا لِکھدائی ناؤں اساڈے
پڑھ سکنائیں تاں پڑھ لے