اوہ سٹھاں دا ہونائے حد ستراں دا
نِمی نِمی مُسکار
اکھ نیویں
گل ادھ آکھی جیویں ہے رِیت بیلپ دی
''پِچھے پھروج پور ہُن کمالیہ
اوہدھر بِھنڈر ساں
رَولے پئے اُٹھ لَتھے
اوہ پُونی کہانی ہو گئی
آہ رِیل ای پَھینسلاوادی
رِیلوں دھاگہ چرکھے
باون بن گئی
باون سِڈھڑے پئی
پیٹا تانے
وڈی رِیل اوہ تھلّے
اوہدے چوں تانی اُپر
تنداں جُڑ دو ہوون اوہ جتھے کانے نی
اگوں رَچھ نے آؤنائے
تھلے اُپر تنداں سنھ بننی اے
لگی سنھ چوں کپڑا
سنھ جوڑ ای اُپر تھلے سجے کھبے
ایہہ سبھ سمجھ توں داستان ای
کپڑا لُوم تے بندائے
کھڈی کتھے سی پہلے
سِڈھڑا ہتھ نال وگنا
ہتھوں کھڈی کھڈیوں لُوم
داستان چوں داستان''
کول کھڈونے دھر گیائے وچ چنگیر دے کوئی
''ویچنے نی ایہہ''
روٹی وی کوئی دھر گیائے نال ای
''ایہہ کھانی او''
اوہا نِمی مسکار اوہا اکھ نیویں
میرے جیہے آئے گئے نال گل کری اوہ آوے
''کھڈی مشہوری او
سَن میرے سَن تیرے
تمبُو شو روم''