رُکھ تے الوپ1 ہوئی جاوندے نیں،
سڑکاں کوٹِھیاں دفتر بنک بزار
جڑھاں اوہناں دِیاں وڈھ وڈھ
اُپر پسری2 آوندے نیں،
اُچیاں کندھاں توں لمکدے پرچھانویں
تھلّے کھلوتیاں نُوں ہُجھدے3 نیں:
ٹُر جاؤ بھولیو
اسیں چھاواں نہیں
اسیں تے ہاں پرچھاویں
ایہناں کندھاں دے،
جیہناں وِچ بُھوت
رُکھاں نُوں کوہ4 کوہ سٹنے
کُرسیاں ڈاہ کے
مِیٹنگ پئے کریندے نیں
1- الوپ: غائب- 2- پسرن: پھیلن- 3- ہُجھن: ہُجھ مارن، ہلاون، خبردار کرن-
4- کوہن: مار دیون، قتل کرن-