راہ جاندیاں اِک دُوجے نال کھیہہ تے جاندا ای اے ہر کوئی
آپو اپنی بے دھیانی رُجھا
جپھڑی جیہی وی پے ویندی اے بعضے ویلے
پِھٹک جیہی انگریزی اُردُو تُھک ہوائِیں
لنگھ جائیدائے
اوس دیہاڑے ہوئی اَوَلّی اوہنے آن سنائی اے
اکھے ایکسی ڈنٹ والی جپھی پئی اے اج بزاریں
پر اکدم نِگھ جیہا اندر لہہ گیائے
اِکدُوجے نوں تکیائے اساں
لگا آل دوال وی سارے اپنے ای نیں
پر پل دا پل
بس پل دا پل ای
مُڑ آپو اپنے راہے پئے آں اسیں دوئے
تے ہور وی سارے