کھوبڑ دی اوتنی لوڑ گھنیری
جِتنی چوبھڑ دی لوڑ،
اوپر دی وی لوڑ ودھیری
جیویں چوپڑ دی لوڑ،
ایہہ لوڑاں بُھکھ وی نیں تے کھاجا وی نیں
دڑ گھیس وی واجا وی نیں،
لاہا وپار ویہاری دا
جپھ سنسار جواری دا،
سہج سائجُ دا جَگ ازمایا تروڑ جو ہوئیاں،
سہج سائجُ؟
اوہ جی جی اگوں سبھ روکاں مِلن دیاں چاوندی اے
دُوج دا اوہلا لاہ تن من نوں
ترِیج دا درس کراوندی اے،
ترِیج بے انتی گھڑی ہے
کُل نال ہِک تھیون دی،
سارے ایس بیان دا کھیکھن
پاسے دھر کے
کھیڈ اچرج کِھڈاوندی اے