اساں تے سانولڑا
دُھر دَھریوں توں دِیوا
آون جَھولا جاون جَھولا
چیتے بل بُجھیاں نوں کوئی پرت سکے نہ سیک
اُگھڑن سہجے
پگھرن جھبدے
لاٹ تینڈی دے لیکھ
اساں تے سانولڑا
دُھر دُھریوں توں دِیوا
دُھواں دُھکھے دریاواں تے
کوئی پھول کرے ناہیں لال
بولی بانگ بزار
فجرے
ووضو گاہک تیار
اساں تے سانولڑا
دُھر دَھریوں توں دِیوا
پکھواں ہتھاں وِچ کنبدیاں نوں
دئیے اتھراں دا چِتھیا چوگا
کُھل دا مُل نہ ترے
کل جیون دی آس تے کوئی اج نہ مرے
نین گئے سد سانولڑے
ساہ نیناں دے چار
بسنتاں نِت آئیاں
کُھمب چڑھ گئے پُھل پیلے
جیہڑے لِکھ کے ہوائیں ٹوریں گُجھڑے سنیہڑے
سرل کیویں کریئے
پُھل کجلا
کھرل کیویں کریئے