لگ وَینیاں اُٹھ سوَختے دَسے کم تے اسیں،
اوہ آؤندائے تے ایہا کہندائے
''سُن لؤ کنّ کھول کے
پھیر نہیں میں کہنی''
اج اسیں اچیتی بول پئیاں:
کیہ کرئیے
جدوں وی گل کردے او کن بند ہو جاندے نیں،
''چلو، مُڑ رہن دیو
میں چلناں
پَیندی اے جو سِر پَین دیو''
آہا،
اج ہوئے کن بند تے اکھیاں کُھل گئیاں نیں
سِر تے ہر پئی ایہو ای آہندی اے:
''ہتھ نہ لایو مینوں
جو دساں اوہ کری آؤ چُپ کر کے،
اندر میرے سَونکن میری لُکی بیٹھی اے
اَت کرڑی،
آ گئی باہر تاں یاد کریسو مینوں''،
دِس پیائے سانوں
جیہڑی سونکن سوئیو کھسم اے
سِر پئیاں دا،
نِبڑنا ایہناں نال نبیڑا اوہدے توں اے