“لوئے لوئے بھر لے کُڑیئے”
سڑکاں نکونک نیں ساڈیاں
ویہنیاں نکونک نیں
(سڑکاں ویہنیاں دی
کوئی نک نموج نہیں ہوندی
نَکے ای ہوندے نیں)
لوئے لوئے بھرلے
پٹڑِیاں اُتے
چرغے برگر چِکن کڑاھیاں
گڈیاں وکاوُ
اکھاں دی چربی وانگر چڑھدیاں گئیاں نیں
(ایہہ پیدل کنجر گھر کیوں نہیں بہندے
مر کے وی مگروں لہندے نہیں)
لوئے لوئے بھرلے
بائی پاساں راہیں وی راہ نہیں
ساڈیاں دِلاں وِچوں،
پر سِر ساڈے نیں پُھہارے
سدا کوارے
لاوڈ سپیکر بدھے جیویں منارے نیں
کن پرنالے نیں
''لوئے لوئے''