بِلیاں خبرے کدوں توں ساڈے آئیاں نیں
پِچھوں شکاری ہوئیاں
سو منگ کھاون تے کھوہ کھاون وِچ کتنی نیڑ ہے کتنی دوری
ایہہ نِت کھیڈ ویکھاون،
کھادا ہووے تاں سہج سرور سماون، ساتھوں وکھرا اے
ہاں سُتیاں پیاں ہوا وی لنگھے کولوں کن بھواون
تے بچیاں نوں چَٹ چمکاون ساڈے والا ای اے
بنیاں اُتے آہمو ساہمنے ہور اوازاں کڈھ ڈراون
بھوگ نوں جنگ تے جنگ نوں بھوگ بناون
کجھ ساڈائے کُجھ اوہناں دا
سو ایہہ نروار کوئی سوکھا نہیں
جو بلیاں کولوں پڑھیائے اسیں کہ بلیاں اساں پڑھائیاں نیں