سِمبل پیا اُڑ ٹالھی نوں آکھے
بَھنڈ گیائے نا مینوں بابا1:
''پُھل پُھل مچ گھنیر مچیندا
پَھل ایہہ کیہڑا پکا کھویندا اے
کیہ کرنی اے خلقت لالی ایہدی خیالی،''
مینوں خبرے تینڈا دھیان کیوں آؤندائے؟
کُرسی میز کرا انگ تینڈے
چڑھ چڑھ بیٹھے تھوتھے گینڈے،
چھت چھتیر دھرا محلیں وڑ وڑ بیٹھے،
میں تے ہویا جَھک جَھکؤلا
رَولا کسُنبڑ لالی دا،
بے نشان سُگندھ تینڈی دا سِیر
ساہیں جگت دے رسیا کیوں نہ
بن ہتھاں وِچ ورودھ دا گھنِیئر وسیا کیوں نہ
واہنی ہوند مینڈی نی ٹالھیئے
ایہا بِرہوں کہانی او
1- بابا= بابا نانک-