''سُنیا جے؟''
''کیہ؟''
''لِکھیا اے اِک سیانی:
پُرانی مِصری بولی وِچ مات دا ارتھ نیاں ہا،
سُکھالے میل والیاں مات متا تعلیم دا کیتا
سچ سُگھڑپ تے نیم نیاں ورتارا کرن لئی''،
''ٹھیک اے
مات تے دینی ہی پوندی آہی
ہِینیاں کرنہاراں نُوں،
فِرعوناں نُوں تاں ای نِیاں مِلدا ہا،
چاڑھ پہاڑ سِلاں دے
وِچ وڑ لُک مویاں سدا جیون لئی''
''مات مَت ای ہویا نا''
''آہو مَت دیون مَت مارن جو ہویا''
''ویہر مُکاون، ست ہراون،
تے مَت پُرانے ایسے ای کم لئی آہے''
''نویں وی ایسے ای کم لئی نہیں؟''