تُساں پونے ہو کفگیر تھیو
ہوو کڑچھ گھڑمچُو ڈورے1
ایہہ دیگ تہاڈی دیگ کیویں ہو جاوے
منیا تُسیں وِچ جے نہ پِھرو
کیہ پکے کیہڑا ورتاوے
کھا گھرڑ گھروڑی کون چڑھے کِس گھوڑی
کیویں ایہہ رجے سُجاوے
بُھکھے پال2 سُکاوے
کیویں ناں اوہدا کھڑکاوے جیہدی ہے
سو دُھپن منجیون حق ہے تہاڈا
ویلے سِر قلعی تھیون
پر بھانبڑ ہوو بھاویں کولے
بیبے رہو بھاویں گولے
ایہہ دیگ تہاڈی دیگ کیویں ہو جاوے
منیا تُسیں ہوئے ایہدے
ایہہ جیہڑا دیوے اوہدی ہوئی تہاڈی کیویں کہاوے