فرید بھنڈار

''ایہہ کیہ سَودائے

ڈھک چھابے جیہڑا بیٹھے او مائی''

''ویکھ لؤ''

''لَے، ایہہ تے کُجھ وی نہیں''

''ایہا تے سبھ کُجھ اے''

''ایہدا ای کھٹیا کھا پئے جیوندے او؟''

''آہو میں وی تُساں وی''

''اوہ کِیویں''

''ایہہ ہوئی کیتی میڈی''

''ہاں سچ، ایہا تے مَل محل بنی

ایہنے ای شہر پوائے

لائے کارخانے

توپاں ٹینک جہاز وگائے

ڈھائے اُسارے ارباں کھرباں''

آئیاں تُسیں گرائیں پروُں رنگ کھیڈ گیاں 

رنگ چھابے دا اوس مِلنی کھیڈیائے ایس ویلے''

''مِلنی سُجھائی اے سانوں 

کیویں کیتی تہاڈی کھوہنہاراں کنوں کھوہ کے

کرنی اے مُڑ اوہا جوہے اوہ

کُل جیا جُون دی سانجھی''

''آہو کھوہنہاراں نُوں پرتاونی اے کُھسی اوہناں دی''

''کیہڑی''

''اوہ ہے وِچ ایس چھابے

چھوہ ہِت بے انتی

رِس جُڑ کرنی وِچوں 

میں نُوں تُوں کر دیندی اے''