فرید بھنڈار

ڈکّی2 کَھلے3 آں اپنا آپ

گھت4 جھت5 تُل6 جے بول پیئے،

ست7 نُوں آپے ولیا8 سنگل9

کھول دئیے،

سَتّے10 واراں 11 کِھڑ12 تِھیون13 منگل14،

مائیاں 15 دائیاں 16 تے مُٹیاراں 17

نچدِیاں گاوندیاں نِکل گھراں چوں

دینہہ18 نُوں نَپ19 کَپ20

جاگو21 رات گَھڑن22،

نینہہ23 دی پھیر بہاری24

ہُونجھ25 کے کُوڑا26 مِلکھی27 ہُل28 برات29 چڑھن

منڈ30 راوی دی تِھیوے جنگل مدناں 31 دا

1- پاہی: 1) راہی، پاندھی، 2) دیہاڑی گِھن کے واہی راہی واڈھی دا کم کرنہار، مقرر مُزارے نہیں -

2 -ڈکن: روکن-3 -کَھلے: کھڑے، کھلوتے-4 -گھتّن: رکھن، پاون-5 -جھت: 1) جھات، جھاتی، 2) بَوہتے رُکھاں جھاڑیاں والی جُوہ، 3) ورل، درز، 4) روشندان، 5) سُدھ بُدھ سم-6 -تُل: تیار ہو کے، سِرڑ نال ڈٹ کے- 7 -ست: 1) سچ، 2) دان، 3) سکت، ستیا-8 -ولن: بنھن، ولھیٹن-9 -سنگل: زنجیر-10 -سَتّے: 7-11- واراں: دِناں دے ناں (ایت وار، سوم وار……)-12- کِھڑن: کِھلن، پُھل بنن، خوش ہو ہسن- 13 -تِھیون: ہوون- 14 -منگل: 1) منگل وار،2) گھنی خوشی، انند، سُکھ-15 -مائی: 1) بُڈھی جنی، 2) ماں -16- دائی: جماون والی، پالن والی-17 -مُٹیار: جوان عورت، کُڑی- 18 -دینہہ: دِن-19 -نپن: پھڑن-20- کَپن: کٹن، واڈھی کرن-21 -جاگو: اوہ ریتل رات جدوں جنیاں گھر کھول کے گلیاں وِچ رل نچدیاں گاوندیاں نر پردھانی دا اُلٹاء کریندیاں نیں -22 -گَھڑن: بناون- 23 -نینہہ: پیار، محبت، عشق- 24 -بہاری: بَوہکر-

25 -ہُونجھن: صاف کرن، بہارن، بہاری پھیرن-26 -کُوڑا: 1) جُھوٹھا، جُھوٹھ، 2) گند-27 -مِلکھی: مِلکھ دا، ملکیت مالکی، جائیداد دا-28 -ہُل: نابری، ویہاروں انکار، بغاوت-29 -برات: جنج، ویاہ کھڑن والا اِکٹھ-30 -مَنڈ: ویہن دے کنارے دی زمین، وسّوں (نار)- 31 -مدن: 1) شہد دی مکھی، 2) چاہت، محبت، عشق، جوش، جوانی دی ترنگ-