سِنمے کول پرانے جِتھے ٹھانا اے
پِپلی دی چھاں آہی
مُڈھی رہ گئی اے
نویں فُٹ پاتھ وِچ آئی
کل اِک بُڈھڑا مُڈھی تے بیٹھا ویکھے آون جاون جیویں کُرسی توں
چونک وی کُھلھا ہو گیائے گڈیاں وی کُھلھیاں نیں
نیڑے ہو میں پُچھیائے ''موجاں؟''
وِچو وِچ ہسیائے
اج لنگھیاں
اوہ چُست چوکنا مُڈھی تے گھر دے دھوتے پائی بیٹھا اونویں تکدائے
''اج وی ڈیوٹی اے؟'' میں ہسدا کول گیاں
اَکھیاں کُھلیاں نیں پر آپ تے سَو گیا لگدائے