''کھاؤ نی پکوڑِیاں
آئیاں ہو اَینیاں دِناں مگروں
بِل بتوڑیاں ناساں چَوڑیاں''
''سچیاں سوادی، کون بناوندا اے ایہو جہیاں ہُن……
کِتھوں کڈھوائیاں جے بھاء؟''
''دے گئی اے ماسی تہاڈی''
''کیہڑی''
''سَیدو پھپھے کُٹن''
''تاہیوں''
''گل دے تیل چ تل کے گرم وی کر گئی اے''
''چکھاؤ نا تیل وی سانوں بھاء ماسی دا''
''پھیرا پایا ای صاحبزادڑی میری سہیلی
گوانڈھن تیری نانکے پِنڈ دی شپیا
اُلاہما دیون لئی:
سَیدو تیری سگھو ملنگنی
لنگھدی حویلی ساڈی اگوں پچُھدی اے مینوں
پتہ ای لوک کیہ آہندا اے تہانوں؟
مُونہوں میریوں نِکل گیا
جانے جُتی میری،
آہندی اے اگوں: کیہ جانے اوہ قیدن سپاہٹی
کوٹھی لگیاں تیریاں پیراں دی
روز رپورٹ لکھاون رُدھی''