جُل اوئے پیسے آن نہ جُل
ایہہ کیہ تے اوہ کیہ
پیسے آن تے گِھن کے تک
آکھ نہ ماؤ کی
گُھٹنی رہنی اے نالے پلے
نالے ڈِھلے رکھنیاں نیں گنڈھاں پکیاں
مھاڑے آپنے وی جاتک نیں جی
فر لو دئی جُلاں؟
ریڑھی ویہلی کری چھوڑاں
جاتک کھوہی کھڈونے نی
سٹی جُلو پتہ نہ لگسی
اوہ ٹیم ہور آسا اساں تساں نا
شے بنائی کوئی آٹے نی کوئی مٹی نی
ساری یاتی پیا کھیڈیا
نال ٹرن وی سرفے نال ای ہونا جی
مفتے ٹُرنے رہن تے فیدائے مھاڑا
تکی تکی گاہک وی آئی جلنے نیں
پر مفتے کرنے نیں مستی
ڈسپلن رامی مننے کوئی نہیں
کُھری کرے ایہہ چائی کھڈونا
میں اس نے پچھے ہوواں ریڑھی لُٹی جُلے
مستی راہ راہ نی ہونی اے جی- ایہہ بھکھ اے
بھکھ مچنی رہنی اے جنا چر ایہہ تکنے رہنے نیں ریڑھی کی
پیسہ مُچ نیں ماواں کَنے ایہہ نہ آکھو
ریڑھی ریڑھیناں نیں آپنی اللہ مافی
گھر دُوا دیہاڑا ہویا نہیں تے مُسا نہیں کھڈونا
ریڑھی نی خشبوئی بُھکھ اے گلی گلی نی پھیری
تاں ای مکھی جَھلنا رہناں
اساں کھڈونے آنڈڑیاں سی کڈھنے آں پئے باتشہو؟
مال کمشنے نائے‘ مزُوری سمجھو‘
جی جنتر نا چوگا