''جاؤ بَلّی گھرو گھرِیں،
ہُن جدوں وی آیو
آیو واری واری،
کاہنوں کھاوے کوئی پُلس دے ڈنڈے
جِھڑکاں گالھاں مجاؤراں دِیاں،
ویکھو نا
اسیں وی تے ایتھے ای بیٹھے
ہٹیاں پئے چلاونے آں
بال بچے دا ٹُکر پئے کماونے آں،
بِھیڑ تُہاڈی ساڈا دِن وی گوایا اے،
جاؤ ہُن،
دُعائِیں ساڈِیاں لؤ''،
''کیہ ایہناں نُوں کوئی پچُھے
رِزم مِٹی دے بنھ قطاراں بیٹھے ہونے نیں دھرتی تے؟
تے ترُبکے پانی دے
وارِیو واری دریاواں وِچ پئے وگدے نیں؟
تے جیہنوں دب کے ایتھے
ایہہ کھٹیاں کھٹدے نیں پئے
اپنے آپ نُوں سُولی چڑھا کے1
کول کھلو کے ہسدا
اوہ ایہناں نُوں کیویں دِسے''
1-اولیاء منصُور کہاوے
رمز انا الحق آپ بتاوے
اپنے آپ نُوں سُولی چڑھاوے
کول کھلو کے ہسدا
نی ڈھولن ماہی
(کافی بُلھے شاہ)