فرید بھنڈار

‘‘ایہہ بھاتو نیں

ویکھو تگڑا جنا جے بھریا بھراتا

عینک جھوٹھی

مُونہہ ٹُھوٹھی بھر ترلا

مُکھ مکھوٹا کر مانگت دا

چونکاں وِچ پِھر کار باریاں ٹُھونگ کے ہتھ پسریندائے’’

‘‘ٹپری واس نیں؟’’

‘‘نہیں اوہ تھلاں چوں آوندے نیں

ایہہ ڈَھل کشمیروں آیائے

ہَل دے باراں کِلے ایہناں نوں گورنمنٹ نے دِتے

واہو منگن چھڈو

ہُن پِچھے مُربّے جے ٹھیکے دِتے

لمبڑدار گردَور اپنے نیں

جنانیاں لا گہنے پِھر منگدِیاں نیں’’

‘‘ناں کیہ دسیا جے ذات دا ہاتو؟’’

‘‘نہ، ہاتو نہیں

کشمیروں اوہ وی آوندے نیں

چِھل لکڑ چُلھ تپاندے

ڈھل میدانیں ٹالاں وِچ سماندے نیں

کشمیراں تے آپو آپنیاں ڈھل کئیں ذات صفاتاں آئیاں

پنڈت پاندھے وی

ڈُھک دربار جو تھئے دیوان خزان روکڑی

کھوٹے راج چلا گئے،

ایہہ بھاتو نیں

کری آوندے نیں پِیڑھیو پِیڑھی جو وڈیاں کر دسیا

اوہ پر آہندے نیں بُدھ سن بِھکھشُو

بال پڑھاندے سن

حق اپنے نوں دان بنا کھاندے سن

جو کُجھ وڈے ایہناں دے کر گئے

چیتے آ جاوے تے بھیکھ نہ منگن

ٹیوشن سنٹر کھولن لکھاں کماون

لؤ

حق لین اپنا پِچھلا اسیں اج آ گئے جے’’

1 - کَنّے: کنارے- 2 - سَراں (سَر دی جمع): تلا، جِھیل- 3 - سَردی: پھیلدی، ودھدی-

4 - ساول: ہریالی- 5 - بیسنتر: اگ- 6 - نینہی: مُحبتی-