”ترِکھا ٹورا تیرا
کِسے نُوں کُجھ دسیندا اے تے کِسے نُوں کُجھ“
”ایہہ کِسے کون نیں“
”ساڈے ای وِچوں نیں“
”تے جیہڑے نہیں تُہاڈے وِچوں؟“
”کیہ دساں“
”اوہناں دا ای تے پچُھناں پیا“
”ساڈے وِچوں ای ہو کے وکھ ہوئی بیٹھے نیں
لکھاں نُوں ککھ کر ککھاں دی پَنڈ ڈھوئی بیٹھے نیں“
”ترونکا ماری آؤ
گِلے ککھ نہیں کِسے دا کُجھ وی لُوہندے“
”ویکھیں نا
ایہا تے ترِکھ اے ٹورے تیرے دی
ترِکھ= تِکھ= 1) تیزی، 2) تانگھ، 3) تریہہ، تَس-
تُوں ساتھوں لوا ترونکا تِیلی اوہناں دے ہتھ پھڑاونی اے
تِیلی تیری نے ککھاں دیاں پنڈاں دی گِل گواونی اے؟
لگی سمجھ ہُن
ترِکھا ٹورا تیرا تِیلی ترونکا اے“