ماں کنوں دی ساڈے گھر وچ بھانڈے مانجھن آوندی اے
اوہ روز سویرے ورکشاپ وچ جاندا اے
راتیں میرے کول بیٹھ کے خبراں ڈِسکس کردا اے
پچھلا مہینہ کنوں راتیں گھر نہیں آیا
میں اُوہنوں پُچھیا اجکل رات دی ڈیوٹی اے؟
"جِس دن گڈی نہیں کوئی مِلدی
رات ویلے استاد نوں سروس کر آئی دائے۔"
اوہدیاں اکھیاں کھالی نیں تے جیبھ پئی تھتھلاوندی اے
کنوں کولوں مینوں ڈر جیہا آوندا ئے
کنوں ہسدائے:
"کیہ کہندی اے سیاست تہاڈی"
میں آکھناں،ساڈی کھیڈ اجے شروع نہیں ہوئی
جس دن محنتیاں نے رل کے لڑن دے
لڑ کے راج مَلن دے داء سکھ لئے
اوس دن سمجھو ساڈی کھیڈ دا مڈھ بَجھ گیا
کنوں ہسدائے:
"ساڈی کھیڈ تے شروع اے چروکنی
تہاڈی مُکن والی اے"