کنکاں تے اَولے پئے ورھے
سِٹے بھرے
سِر سٹ مِٹی جھاتن،
پَولے سِراں تے ورھ پئے
ہتھ نپ سِر تھاپن،
اُپروں ای لتھے نیں
ایہہ اَولے تے پَولے،
اِچراں نوں آ گئی ہنیری
پائی اُٹھ کنکاں جَلّی
آکھے ''اکھیاں جھٹ مِیٹو نا
بجُھو بھلا میں کون''
آکھیا اَس ''تُوں واء''
''تے ساہ کیہ اے''
''واء''
''آؤندائے کِتھاؤں''
''باہروں اندر''
''جاندائے کِتھائیں''
''اندروں باہر''
''ایہو ای راہ وی اے، نہیں؟ میرا تہاڈا؟''
مُڑ مُڑ ویہندی، کھیاں چ اکھیاں گھتیندی
چلی گئی،
ساہ ہس آہندائے
''اکھیاں کھول گِھنو
اندرے ای جے''