''چھی دیہاڑے چُھٹی گئی ساں گھر
اج پرتی آں''
''خیر اے نا گھر سبھ''
''مُنڈے چھی دینہہ بہُوں کھپایائے''
''کیہ کِیتوس''
''جیہڑے کم تے لگدا اے چھڈ ٹُر آوندا اے''
''کیوں''
''کہندا اے کیہ کراں
پیسے نہیں پورے مِلدے،
کراوندے دُونا نیں تے دیندے نیں ادھا''
''ایہو تے جڑھ اے ایس ورتارے دی
جیہدے چ بدّھے پئے آں''
''کیہ اُپا اے''
''پٹیا جاوے ایہہ تے ایہدا اُلٹ وسایا جاوے''
''کون پٹے تے کون وساوے''
''جُڑن جیہناں نال ہوندی اے پئی''
''کیویں''
''پڑھ وِچارن اوہ جو نابر مَلّ ویہار دے
لِکھ لِکھ گا گا سُنیندے آئے''
''اوہا تے سکُولوں بُھلا آئے نیں مُنڈے ساڈے''
''آہو، اوہا بُھلاون لئی تے سکول ایہہ کھولے گئے نیں''