''اوہا رنگ ساڈی مٹی ورگا
اونویں تربک تربک پئی کِریا بُھریا بھالدی
ایہہ چِڑی اساڈے دیس دی
ایس امریکن شہر چ کیکن آ گئی''
“شاہ جی ساری عمر لہور چباریوں باہر تُسیں نہ نِکلے
ہُن نِکلے او تے کھمباں تے وی ویزے لگے دِسدے نیں
کُڑی چِڑی دا دیس بدیس تُسیں کیہ جانو
زوراورو
جِتھے کِتے وی مِٹی ہووے
مِٹی رنگی چِڑی وی اوتھے رہندی اے
بھاریاں پنجیاں چُنجاں والے جِتھے کِتے وی ہوندے نیں
اوتھے کِریا بُھریا چُگن لئی
سِر دھڑ دی لاونی پیندی اے''