سڑکاں گِلیاں نیں
ویکھنا تِلک نہ پَینا،
بے بہارے مینہہ دا وساہ کیہ،
خبرے کِتھوں آوندائے
کھول کے لک دی
پِیتا پلِیتا سٹ سِراں تے جاندا اے،
سِدِھیاں تُساں وی ٹُرنا نہ ہویا
راہ توں بُہتا راہیاں ول دھیان تُہاڈا رہندا اے،
بھلی ایہہ نِیتی ہوئی تُہاڈی
ہیٹھلی اُتانہہ کرن دی،
اوہ ویلے گُذر گئے
نک دی سیدھے لوک جاں ٹُردے آہے
نک ہُن ہوئے کوئی نہ
تیڑ ای رہبر ہویا
مُخبر اُپر دسے تے کیہنوں
نیتی= سیاست-