ٹریفک رُکی
اوہ تاکی نیڑے آئی،
لال قمیض تے نکیاں نکیاں گول شیشیاں نال مہین کڈھائی
ساہمنے، باہاں تے،
پتلی پیلی عُمر توں اگدوں بُڈھڑی-
تاکی کھول میں پُچھناں
''مائی ایہہ قمیض توں کِتھوں لئی اے؟''
''لینی کتھاؤں ہئی
آپ بنینے آں،''
''ایہہ کڈھائی تیری اے؟''
''ہا، ایہہ شیشہ نہیں ہُن ڈِھینڈا –''
بتی کُھلی میں دس دا نوٹ اگیرے کیتا
پھڑ تے لیا پر کِھل کے آہندی اے
''دے نہوں بیٹھا؟''
گڈی ٹُری
گل دی سمجھ مینوں کُجھ چِر مگروں آئی