مُنڈا ریڑھی تے لئی امرود اک جاوے
دُوجا ریڑھی کھلہاری
کٹ لُون لا گاہک پیا بُھگتاوے
پہلے لنگھدے نے
دُوجے دی ریڑھیوں نکا جیہا امرود اک چایا
ریڑھی ریڑھدیاں کٹ مُونہہ وِچ پایا
مینوں ہسدیاں ویکھ کے آہندا اے کیوں کیہ ہویا اے
"اپنا چھڈ کے اوہدا کھا گیائیں"
"اپنا کھاہدا لگدا نہیں کیہ کرئیے بابیو"
دُوجی ریڑھی گاہک نبیڑ اگیرے آئی
میں اوہنوں وی ہس کے آہناں
"اپنا بچ گیائے تیرا کھا گیائے"
"دِل کیتا ئے امرود کھاون نوں
بہار جو ہوئی"
"اپنے امرود نہیں؟"
"نہیں بزرگو اوہ تے مال ہویا نا"