فرید بھنڈار

''متھا سوئن

رُپا چاننے نَین''

''کوئی تارِیخوں نُورجہاں ہُن لاہن لگے او بھاء شپیا''

''آہو بِینیئے پِھینڑئیے

ہے کوئی نُورجہاناں اُتے

سوئن رُپیوں واندا جے وِچ توارِیخ دے

تے اوہ تُوں لاہ لیا''

''کل لا آئیاں ہاں پھیرا جَسّیشیخ دے، بھاء''

''پھیری سُو کوئی لالٹَین؟''

''گاون سُنایا اے''

''سُنا دیو ناسو ناسِیں''

''اساں بن واسنیاں باندریاں ہو نچیاں''

''ہوون دی کیہ لوڑ اے، ہو ای اوہو تُساں''

''بن واسی ہو سُنو نا بھاء تاں اگے سُنائیے''

''سُناؤ ہو ای جائیے کیہ پتہ''

''اساں بن واسنیاں 

باندریاں ہو نچیاں 

جاگ پئے پروار

بانہیں اساڈڑیاں 

کیرن پئیاں وائیں ہُلّ سُگندھ

بازاں تے اسوار چِڑیاں آ لتھیاں 

مِرگنیاں دے جُھمر دوالے شینہہ تھئے بے ہتھیار

لا گئے دُڑکی کُل شکاری درباری

دینہر سردل شام سجُودی

ورھ پئی رَین اُدھار''

''کِتھے چلے او بھاء

بیٹھو''

''سائیں رکّھے نوں دے آواں میں واج''

''رہن دیو

ویکھنیاں ہاں پیر اساڈے رَکّھاں نوں بَن1 کیویں کردے نیں''

1. بَن= جنگل-