”چِٹھیاں اپڑ گئیاں“
”چِٹّے اساں ان پڑھ ہوئے
لبھنے آں
ویکھو جے لبھ جاوے
کوئی کال پڑھائی“
”سانوں واچ سُناوے جیہڑی“
”آہو آہندے نیں جَیں سُنیا
اوہنے عُمراں دا کھٹیا گوایا“
”اوہ تے کوئی گل نہیں
عمر بتھیری پئی اے“
”ہور کھٹن نوں تھوڑائے؟“
”آہو آہندے نیں جَیں سُن منیا
اوہنے آپنا آپ بُھلایا“
”ویہنے آں کون جمیائے
جیہڑا ساتھوں اپنا آپ مناوے“
”پر ایہہ وی دس پیندی اے
کالیاں اکھراں دا
کوئی لِکھنہار نہیں ہوندا“
”ایہہ چِٹھیاں کِتھوں نیں آئیاں
کَیں لِکھیاں کَیں پائیاں“