نہ وائے
ہُن سڑکاں تے پھیر بہاری
کتاباں دھریاں رہیاں
اسیں رات پرت نہ آئے
کنڈیاں تے لو وِرلی
خاباں وچ ڈر تَردا
وساہ کیہ نیندر دا
کتاباں دھریاں رہیاں
کولوں لنگھدے گئے
لنگھدے گئے
سِر سٹ کے دریا
ریت شام دی کُولی کُولی
کنڈا پُڑے انبھول
وساہ نہیں نیندر دا
اُتے رُکھاں دے چِڑیاں تے کوئی نہیں
ہیٹھ نہیں کدھرے چھاں
شور اکواسا لمّے پندھ دا
کنیں پوندے درد فراق دے وِرلے وِرلے بول
کیسٹ گھَس گئے نیں
کتاباں دھریاں رہیاں
دھریاں رہیاں
جاگن واء ورولا
سڑکاں سُنجیاں ہوئیاں
پِھر گئے ناگ خماری
سُتیاں لیکاں دُھوڑ دِیاں
نہیں چِڑیاں دی لمّی اڈاری
کتاباں دھریاں رہیاں دھریاں رہیاں
پھڑ تنیاں نوں گُھٹ کے آکڑے سچیت شکاری
پچھلا ویلا ای
وگ وگ اُڑئیے مائے
گھڑی پل میلہ ای
اڈی ٹپہ کھیڈیندئیے کُڑئیے
وائے
سڑکاں تے پھیر بہاری