فرید بھنڈار

ہِک دینہہ ہفتے وِچ تے سرپر گَیہنی مالن آونا

کدیں ہار لیاونے پھُلاں دے

کدیں گُلدستے

کدے کوئی آن کہانی پاونی بُوٹیاں دی

ہِک واری دی ایہہ سُنائی یاد اے مینوں:

'' بُوٹی سرس ہِک آئی

آکھن لگی اج واشنا نال نہیں میں آئی

پچُھیا بیبے، کیوں نی کیہ بنیاں

بیبی سَہب جی

تکو نا

واشنا تہانُوں پتہ ای اے کیکوں بننی اے،

نہیں، دس نا تُوں،

واشنا انگ اے مھاڑا

جِکُوں ایہہ رنگ اے،

کِتوں انوا، کوئی وِچ تے نہیں دھرینا،

واشنا ساہ اے

وکھ اوہ ہوئی تے میں وی نہ ہوئی

اج میں اوہنوں دھرتی وِچ دھر

آئی آں دساون تُہانوں،

1- جِکُوں= جِیکُوں= جِیویں، جِس طرحاں-

ایہہ ناہی اے مھاڑی جیہڑی تُسیں پئے ویہنے او،

مرِت1 مھاڑی تھئی عطر پھُلیل

وِکنے پئی اے بزارِیں''

سُن کہانی پچُھیا میں اوس بُوٹی سرس دا ناں

آہندی اے: ''گیہنی''

1- مرِت= مَوت-