فرید بھنڈار

گاؤ رام کلی

توڑے شام کلی

دوہاں شہر دے رج لنگھن نُوں تج

بناں وِچ کِھڑنا اے،

سکھنیاں ہتھاں واہنیاں پیراں دی نِرت

مناں دی سُرت سُگندھ ہو جانی اے،

چِھنا چِھن نوِیں ہونی

ایہا پُران کہانی اے

رام کلی= اِک راگ- رام= رامچندر، اجودھیا دے راجے دا پُتر، جوانی وِچ بن واسا مانیا، ووہٹی سِیتا تے بھرا لچھمن نال- شام= کرشن، جمدیاں سار متھرا دا راجہ گھر چھڈ کے بِندرا بن دی اِک گوالی دی جھولی پیا- اوتھے ای پلیا تے جوان ہویا، گوپیاں نال کھیڈدا- توڑے= بھاویں - بناں = جمع بَن (جنگل)- لنگھن= فاقہ، بُھکھ، غریبی- چِھنا/ چِھن= 1) پَل دا حصہ، 2) ناری، ترِیمت-

پُران= 1) پرانی، 2) ہندوستانی رِیت دِیاں چِرکالی کتاباں (ویداں توں بعد مَنیاں جان والیاں)-