فرید بھنڈار

پُونِیاں کر سانوں اَنگلاں وٹیا

آہِیاں اَس کُولیاں پولڑیاں 

پوٹیاں دی ٹوہ وِچ رس اپنت دا جاچیا اساں 

اَنگلاں دے چِت چرکھے دی چوبھ وی رڑکی

کیوں نہ رڑکدی

ناہِیاں اِتنیاں بھولڑیاں 

ایہناں ای پوٹیاں ونواڑاں 1 توں کھوہ سانوں لاہیا ہا،

ٹکریا ترکلا

بول پئیاں:

'وِنھ پیا سانوں ولیں دوالے

بھَکھ2 اپنی نوں ٹھاریں،

سَر دھاگے اَس وَستر ہونا،

دیہہ خاکو تے پِھر کے سُہاگہ

تگ1 اپنی دے بی وِچ دھرنے

سُوتر2 نواں اُپانا

آپ تے ہٹنا چِھل3 پڑدہ ہو

ننگ رنگ4 سار5 الف دا لانا'

1- ونواڑ= کپاہ دِیاں پَیلیاں، کھڑی کپاہ دے بُوٹے جیہناں وچوں اجے چُنن نہیں ہویا-

2- بھَکھ= تپش، تاء-

1- تگ= 1) دھاگہ، سُوتر، ڈورا، 2) دھرم، ایمان، مت، آئیڈیولوجی، وچار لِیہہ، 3) پورا اُترن، کم آون، قائم رہن، پائیداری، مضبوطی-2- سُوتر= 1) سُوت، دھاگہ، ''دَیا کپاہ سنتوکھ سُوتر'' (وار آسا)، 2) پربندھ، انتظام، 3) سار، میل ملاپ، 4) رِیت رواج، 5) ٹھیک، درست، 6) اصول، طریقہ-

سُوتر دھار= رنگ دا ڈائریکٹر-3- چِھل= چھال رُکھ دی، کَھل-4- رنگ= تھیٹر، کھیڈ، کھیال، ڈرامہ-5- سار= تت، ست، رس، اَصلا، پھَل، اَیسنس، خلاصہ-