جاندے پھگن جھٹ ٹلیا اے گھنیئر
نِیل انبر تے سریا اے،
اُپروں اکھ میری ڈھلی اے تھلے
دُپہرئیے دے پھُل تے،
بھریاں ہریاں پتراں وِچدیں
خالی گلاسی اُبھری کھلی اے،
دُھر ہیٹھ ہے گُوڑھا نیل نشان
متے کال بُلاں نے ٹوہیا اے نِیر،
وِچ مدھانی بسنتی سِر پرنے
آہندی اے اُڑ کیوں جھاتنا ایں
دِسدے نہیوں ترَے پیر میرے
نچ ایہناں ای کھیڈی آ ہولی لالی آل دوالے،
ویکھ نا تھلے تلیاں کال دِیاں
پھیردِیاں نی مینوں ایہا
خوشی چاہے اوہ رِڑک جگت دی چاٹی
کڈھ مکھن سنیہی
جنی کھنی دی ویہر رتا تَڑکاوے