آکھو رُکھاں نوں کتاباں کھولن
لِکھیا سریراں دا
سانوں کَن سَن وِچ سُناون
دَم اوہ کیہناں دے آہے
واء پانی ہو لُوئِیں رَلے تُساڈے
لَکھ اَلکھ سَن کیہناں دے کندِھیں واہے
کر چِتر تُساں وِچ ڈُساں ولے
کُھل کِھڑ سُک جھڑ گئے
کیہڑیاں ہتھاں دا کچ پکایا وِکیا وِچ بزارِیں،
کیہ آہندے ہو
اساں ہُن کیہ کرئیے
پاٹ نہ انبر آپ ورانے
لاہ بیور1 آہی ناہی
نہ چِیر چِیر تھی دھرتی گُمے گُمانے
کیہ آہندے ہو
ٹھپ بزار نہ دھرئیے؟
تت ست وکھر2 ہویا
سَلھ ڈھلیئے نِینہہ ساگر
اُٹھ تُربکو تُربکیں خاک دے پیریں ورھیئے