اِک پاسیوں واج پئی
گِھنو چَھکو پرشاد،
دُوجے پاسیوں، اُٹھو تبرک چکھو،
ایہہ گُڑھتی گُڑھن دی جے،
سوچیں پئے آں کَھلے اسیں وِچکار،
پَیلی گڈیا گنّا اساں
رل بُھومی سنگ پال سنبھال وڈیریا
کرت اساں دوہاں دی رس ترِیجل ہوئی
ڈھائے آڑھت دے چڑھ وِکَنڈر وست تھیا،
گَوہ اساں نہ کیتا
کیہ ساتھوں وِچھڑ گیا،
ویل پِیڑیا
رَوہ ہویا،
کڑھ تھیا پَت
دوہری چَوہر پنجَوہری تھی پت گُڑ وَڑ وِس ہوئی،
پچُھدی اے پئی دھرتی
کرنی تُساڈی مینڈی
دَسّو نا، تُھڑ کیوں ہو ورتی
ترِیجل= تریج والی (تریج= دو جیئاں دے ملاپ دی دِتی نویں ہوند)-
ویکھ فریدا جو تھیا، شکّر ہوئی وِس
(فرید)
پت= 1) عزت، ساکھ، انکھ، 2) گنّے دے رس دا پک کے سنگھنا ہوون تے جُڑن-