فرید بھنڈار

پنج جنے آں اسیں تے دو جنِیاں،

ایہہ دو نیئیں 1 نیں نالو نال

پُل ایہناں تے کوئی نہیں

مِیلو میل تائیں،

ایہہ اوہ جُوہ2 اے

جِتھاں آر پار دونہاں نیئیں دے

گراں 3 نیں نِکے نِکے،

گھنے4 لوک تے تَر کے ای پار

لنگھ جاندے نیں،

بیڑیاں وی نیں

بدھے بھاڑے تے

1 -نئیں: جمع نَیں (نَیں: ندی، دریا)- 2 -جُوہ: علاقہ-

3 -گراں: پِنڈ-4 -گھنے: بوہتے، زیادہ-

پار چا کھڑدے نیں ملاح

سُکھالڑیاں نُوں

اتے باہروں آئیاں نُوں،

ساڈی ستاں جیئاں دی ڈھانی1

حاضر رہندی اے گھنٹے دو ترَے،

اسیں سِراں یا موڈھیاں اُتے بہال2

کمّاں کاراں چوں کڈھ کے ویہل

گِھن وَینے آں پار

مائیاں بابیاں بالڑیاں نُوں،

مچھیاں والا انند ساڈیاں باہیں چ سردا رہندا اے

ان جاتا بھار دِلاں توں لہندا رہندا اے

چاتا3 پِیڑھیاں دا

1- ڈھانی: ٹولی، گروپ- 2 -بہال: بٹھا کے-3 -چاتا: چایا، چُکیا-