فرید بھنڈار

اساں مُسہری نُوں پہلے تے سہرے دی ووہٹی جاتا

وت ووہٹی دا سہرا کر کے تان دوالے

سمدے1 آئے،

جدوں اندر لگ پئے سمن2

تاں لگا پتہ

ہُن تے مُسہری مچھردانی ہو گئی اے

نِکلی اے گھنی سیانی

تاڑ لئی سُو چال ویہار دی

مچھراں دی ہو ہو ماسی تائی پھُپھی دادی نانی

کر کر ڈھانی3 سہیڑ اوہناں دے وٹّے پِنّے

آپے چاٹی آپ مدھانی ہو رِڑک کے کڈھیوسُو مکھّن

امریکے گھلوائیوسُو،

اوتھے وڈیاں کمپنیاں،

1- سمدے: سوندے- 2- سمن: سَون- 3- ڈھانی: گروپ-

اِک نے مکھّن گِھیؤ کیتا

دُوجی کیتا گِھیؤ تیل، سعُودی ایڈ مِلی،

شہرو شہریں ایتھے ایجنسیاں مشہوری دِیاں کُھلیاں،

جنی کھنی نے مِلنی اپنی کر اُچیچ مچھرائی

گھرو گھریں چِت چیتے مچھردانی لوائی