فرید بھنڈار

گورستان وِچ شہر قصُور اندر

اِک ڈھیری اے جیہڑی

بھانے خلق نظام لوہار دی اے،

کندھی نِیلی اُتے لاکھی جنگل آہا

جِتھے نظام مواس کیتا،

وس نِکل اوتھوں بھنّے لب دے گھر

ونڈے واہنیاں نُوں

لگی خلق نُوں جُون نویلی دی آس،

اوس ڈِھیری نُوں پِیڑھیو پِیڑھی سمھالدے لوک آئے

کچّی رکھ اُتے لگر نال اُگھاڑدے ناں نظام لوہار

جِس دم بجُھدا جاپے،

ایس وار میں لنگھی آں کولوں

تے ڈِٹھی اوتھے قبر پکی

کتبہ ''بابا نظام دِین لوہار''،

سوچے پئی میں ناں ایہہ متے

حضرت بابا نظام الدین لاہار نہ ہو جاوے

سنگی نظام دا جبرُو نائی مینوں آیا چیتے

کتبہ اوس دا شیخ جبار حِزام متے ہو جاوے،

دونویں کورساں وِچ پڑھائے جاون

مواس= 1) جنگ وِچ مقابلہ، 2) جنگ وِچ حفاظتی مورچہ جیہڑا جنگل وِچ ہوندا اے، 3) اِنکار، نابری، 4) جنگل وِچ نابراں دا ڈیرا-

نِیلی= ستلج دریا-

حجام= حجامت کرن والا، نائی- حِزام= جانوراں نُوں بنھن والی رسّی (فارسی)-

لاہار= ایس وِگاڑ وِچ لاہا وی ہے تے ہار وی-

''وانگوں قلعے دیپالپور ہویا اے جھنڈا وِچ مواس دے گڈئیے نی''

(ہِیر وارث)