سبز خضر بانا
کم حمد گانا
گل لال گانی وچوں سیک ایہہ مُڑ کیہا آؤندا اے
لاؤ تھرما میٹر تے بُخار کوئی نہیں
ڈاکٹر اَینٹی ڈِپریسنٹ تجویز کرن،
کمیونسٹ وی اساں نہ رہے کدیں
ساڈے آکھن تے ہتھوں پھدیج گئے کئیں،
سمجھ آوے تاں سہی گل پٹہ ایہہ کیہڑا تراہ دا اے
وڈے دسدے آئے
ایہہ نشان ہے رتڑا سورج بنسی
پتّی پت خاطر دَھوناں دتیاں وچ میدان جیہناں
مُفت راء تاں کوئی اکھواندا نہیں،
گلاں پچھلیاں ہُن شربت شِیرے خمیرے ہُن حکیماں دے نیں
ہُن تاں ایہو خیال خاباں وچ وی آن ڈراؤندا اے
ایہہ لال گانی متے تکمہ نہ ہوئے
گئیاں حاکماں دی کُٹی کھاونے دا
ویلا ہور ہویائے
ناں رب دا جے کوئی داء دسو گلوں لاہونے دا