فرید بھنڈار

لاماں1 لگدیاں آئیاں

کھوہ کَھس دے سارے2 مالک حاکم

بِھڑ3 بِھڑ پڑدے پاوندے آئے

اپنے اصلے تے،

لُٹ کھادی جیہناں دی کیتی

پوا کے وردیاں اوہناں نُوں

اِک دُوجے کنوں4 مرواوندے آئے،

وگدیاں5 آئیاں توپاں بندُوقاں

نوَیاں پوچاں6 نُوں

ایہو ساز سُنا پسماؤندے7 آئے

1- لام= 1) جگت جنگ، ورلڈ وار، 2) قطار (بھرتی واسطے قطار لگدی سی)-

2- سارے= بنائے، تیار کیتے- 3- بِھڑن= لڑن- 4- کنوں= کولوں- 5- وگدیاں= چلدیاں-

6- پوچ= نسل- 7- پسماوندے= آمادہ کردے-