فرید بھنڈار

''دند نہ گھوڑی دے کڈھ دینا ایہنوں کُھرلی ڈاہ کے''

''کُھرلی ساڈی ہسپتال اے دنداں دا؟''

''تے ہور کیہ- پٹھا دتھا ڈاکٹری دا اوہنوں کھوا کے اوہدی

اپنی سَک سُنجان مُکا ای نہ دینا نا''

''کیہڑی یونیورسٹیوں اوہنوں ایم اے تُساں کرایا اے؟''

''کُھرلی تُہاڈی کیہ اے جے یونیورسٹی نہیں تے؟''

''چلو- تُسیں پروفیسر اج توں- سَک سُنجان

دا کورس پڑھاؤ گھوڑیاں نُوں''

''اوہ تے تُہاڈیاں چابک سوار سکول ماسٹراں پہلے

ای پڑھا چھڈیا ہویا اے''

''چلو، تسیں سارے کورس بُھلا کے اوہناں نُوں

دولتیاں سانُوں مرواؤ''

''اپنی سَک سنجان جدوں پرتا لئی نا گھوڑیاں،

اوہناں کاٹھیاں لاہ مِدھ کے جنگل ٹُر جانا اے''

''جنگل تُساں لوایا ہویائے نا اوہلے کِدھرے''

''نہیں- نویں سِروں اوہناں لا لینا اے

آل دوالے تُہاڈے ساڈے''