”رلو نی رلو،
کیہ آہندے نیں پیر؟
جُڑدے نہیں
اکے جُڑنا چاہوندے ای نہیں؟
جو وی مسلت ہے ایہناں دی
نِکل ویکھو اِک واری،
پچُھن پئے
جانا کِتھے اے
آکھو
جِتھے تُسیں لے چلو،
سو پیراں تے چھڈ دیو کار ساری“
اوہ ہتھاں نُوں نال رلیندے نیں:
”منّی تے ساڈی نہیں پئی جاندی
تُسیں کرو کوئی چارہ“
ہتھ ٹوہندے نیں نک نُوں
تے نک کنّاں نُوں،
کن اکھیاں راہیں اپنے آپ نُوں ویہندے نیں
پیراں دی پچُھ اُپر تُرت چڑھی اے
وت ہولی ہولی لہہ ہیٹھاں
ہو ولدا
پیراں وِچ وڑدی اے،
اگانہہ پُھدکدیاں نُوں پِچھانہہ
تے پِچھانہہ کِھسکدیاں نُوں اگیرے کھڑدی اے