‘‘تُوں آپ کون ایں ویلڑیا
نر نار کہ جون تریجی، آپے دائیا آپ نہائیا
خبرے کدائیں ویلی ویل کہ ویلن ہوسیں
تھاواں جُوہاں نال وی جُڑ جپ ہوئی تیری
کِتلے باوُ سُوٹڑ بُوٹڑ
بھنگ ملنگ ننگ کِتلے
فلسفڑ گیان بیانُو
چُٹکل ٹِچکری
سِدھ سائیں
پُٹھ سیّد باہمن گجر رائیں،
جنی کھنی نال جم جوڑا
رنگ کھیڈ دا رہنا ایں
کدے آپ وِردھ ہو کرنا ایں دھن جوبن اوہنوں
کدے کر اوہنوں بُڈھڑی مُنڈا کُھنڈا ہو بہنا ایں
‘‘سچی گل جے مینوں تے آپ پتہ نہیں اپنی کون کیویں دا
کیتی اکیتی ہاں تہاڈی کہ تسیں ہو میری
آپے ای گولو پھولو
اگل پِچھل میری دا کر کے تانا بانا
جو پاؤ میں اوہ ہو جاناں’’