اِک: ‘‘جُھگی وِچ وسنے تے سانوں عُذر نہیں
سگوں ارام اے
سو پُواڑے مُکسن
خلقت وِچ اتبار وی بنسی
(جِنا چِر رہے بنیا)
مُشکل اِک اے
جُھگیاں نوں بُوہے نہیں ہوندے
بُوہے نہ ہون تاں کیہنوں وجن جندرے
ایہدا کیہ کرئیے’’
دُوجا: ‘‘جندرے دی لوڑکیہ اے’’
پہلا: ‘‘نہ ہووے تے دین ایمان نہیں رہندا کوئی
نہ اپنا نہ ہور کِسے دا’’
دُوجا: (ہس کے) ‘‘بھائی جی کیہ گل کردے او،
ساڈا کِتھے جے بُوہا؟
اسیں آپ آں جندرے
زمانہ لگائے گھڑت بنت وِچ
کُھل کُھل وجدے آئے آں جِتھے وی ہوئیے’’