20 - سایا

ویکھو

رُکھ لکڑی نیں پانی وی نیں

واء دِیاں تلیاں اندر پِھردی ساہ مدھانی وی نیں

نہیں

مُڑ ویکھو

ایہہ چُپ کَھڈیاں نیں جُگاں دیاں کم جُٹیاں

آپے چرکھا نال اٹیرن

ہر پَل پُونی سُوتر نلیاں تانا تانی وی نیں

نہیں

مُڑ ویکھو رُکھ دریا نہیں؟

گھیر گُھمَر وِچ چُپ کَپَر دے

دُھر دھرتیوں توڑ اسماناں گِڑدے،

کِس ویلے سرک سرک دریاواں

اندر باہر

ایس زِویں تے اپنا بیٹ وِچھایائے؟

آکھن اکھیں سچی گل جے اسیں تے دس نہیں سکیاں

پچُھو اوہناں کوں آکھن جیہڑے

رُکھاں دا نہیں جگ تے اساڈا سایائے